MHE.MGALU AWASHA UMEME KITUO CHA GONGOLAMBOTO DAR ES SALAAM

Na Zuena Msuya, Dar es Salaam Naibu Waziri wa Nishati, Subira Mgalu amewasha umeme katika kituo cha kupokea na kupoza umeme cha Gongolam...

KAMPUNI YA TATU MZUKA NA NAIBU WAZIRI MAVUNDE WAKABIDHI MATOFALI 3000 NA MIFUKO YA SARUJI 100 KWA AJILI YA UJENZI WA SHULE ZA MSINGI MPYA ZA MBANDE NA MUUNGANO MKOANI DODOMA

HESLB YATANGAZA WENGINE 1,775 WA MWAKA WA KWANZA WALIOPATA MIKOPO

WANAFUNZI WA FEZA WASHIRIKI MAONENSHO YA SAYANSI JIJINI DAR ES SALAAM

Na Zuena Msuya, Dar es Salaam

Naibu Waziri wa Nishati, Subira Mgalu amewasha umeme katika kituo cha kupokea na kupoza umeme cha Gongolamboto chenye uwezo wa MVA 65 na hivyo kuimarisha upatikanaji wa umeme katika baadhi ya maeneo jijini Dar es Salaam.

Akizungumza jijini Dar s Salaam, Mgalu alisema Kituo hicho  kinapokea umeme  kutoka katika mitambo ya kuzalisha umeme ya Kinyerezi katika line ya 132 kV.

Mgalu alifafanua kuwa kukamilika kwa kituo hicho kumewezesha uboreshaji wa upatikanaji wa umeme  katika maeneo ya Kurasini, Kipawa, Kitunda, Chanika na Kisarawe,  Ubungo, Mbagala na GongolaMboto.

“Kwa sasa hali ya kukatika kwa umeme mara kwa mara katika maeneo yaliyokuwa yakisambaziwa umeme kutoka katika kituo hiki haitakuwepo tena, hivyo Serikali itaendelea na juhudi kuwasha umeme katika vituo vingine vilivyosalia,” alisisitiza Mgalu.

Kituo cha Gongolamboto ni miongoni mwa vituo 19 vya kupoza na kusambaza umeme nchini vilivyo katika mradi wa uboreshaji wa vituo hivyo unaofadhiliwa na TEDAP  ambapo Jiji la Dar es salaam lina vituo 11,  Arusha vituo Sita (6) na Kilimanjaro vituo viwili (2).

Naibu Waziri wa Nishati, Subira Mgalu (aliyekaa) akiwasha umeme katika kituo cha Gongolamboto kwa kutumia teknolojia ya kisasa kwa njia ya Kompyuta. (Picha na Zuena Msuya)

Naibu Waziri wa Nishati, Subira Mgalu, (wa pili kushoto) akipata maelezo ya uendeshaji wa kituo cha Gongolamboto , kutoka kwa  Naibu Mkurugenzi Mtendaji Uwekezaji wa Shirika la Umeme Tanzania (TANESCO), Mhandisi Khalid James,(mbele)  wakati akikagua mitambo ya kituo hicho kabla ya kuwasha kwa mtambo huo.kushoto ni Kaimu Meneja Miradi , Mhandisi Emmanuel Manirabona.

Baadhi ya watendaji katika kituo cha Gongolamboto, wakikamilisha kazi kabla ya kuwasha umeme katika  kituo hicho.

Transfoma iliyofungwa mwaka 57, (kulia) iliyokuwa ikifanya kazi ya kusambaza umeme katika kituo cha Gongolamboto,na mpya zilizowekwa sasa (kushoto).

Naibu Waziri wa Nishati, Subira Mgalu akionyeshwa taarifa ya utekelezaji wa mradi wa umeme katika kituo cha Gongolamboto jijini Dar es salaam na Naibu Mkurugenzi Mtendaji Uwekezaji wa Shirika la Umeme Tanzania (TANESCO), Mhandisi Khalid James (katikati) na Kaimu Meneja Miradi, Mhandisi Emmanuel Manirabona.

Naibu Waziri wa Nishati, Subira Mgalu, (wa pili kushoto) akizungumza na mkandarasi wa kituo cha kupokea na kupoza umeme cha Mbagala. kushoto Naibu Mkurugenzi Mtendaji Uwekezaji wa Shirika la Umeme Tanzania (TANESCO), Mhandisi Khalid James. (Imeandaliwa na Robert Okanda)