ASKARI WA JWTZ WAUWAWA DRC

JESHI LA ULINZI LA WANANCHI WA TANZANIA Simu ya Upepo: “ N G O M E ”   Makao Makuu ya Jeshi, Simu ya Mdomo: 22150463      Sanduku...

JESHI LA ULINZI LA WANANCHI WA TANZANIA

Simu ya Upepo: “N G O M E”   Makao Makuu ya Jeshi,

Simu ya Mdomo: 22150463      Sanduku la Posta 9203,

Telex: 41051               Dar es Salaam,TANZANIA.

Fax: 2153426

Barua pepe ulinzimagazine@yahoo.co.uk

Tovuti www.tpdf.mil.tz

Taarifa kwa Vyombo vya Habari

Jeshi la Ulinzi la Wananchi wa Tanzania (JWTZ)  linasikitika kutangaza vifo vya Askari wake wawili Koplo Maselino Paschal Fabusi na Praiveti Venance Moses  Chimboni,  ambao walikuwa katika Ulinzi wa Amani nchini DRC.

Askari hao  wamefariki baada ya kushambuliwa kwa kupigwa risasi na kundi la waasi tukio ambalo limetokea tarehe 09 Octoba 2017 umbali wa kilomita 24 mashariki mwa mji wa Beni. Majeshi yetu yamefanikiwa kuwarudisha nyuma waasi hao na kudhibiti eneo hilo.

Kufuatia shambulizi hilo Umoja wa Mataifa umeunda Bodi ya Uchunguzi kuchunguza tukio hilo. Aidha, Maafisa na Askari wa JWTZ wanaendelea  kutekeleza majukumu yao katika Operesheni hiyo.

Umoja wa Mataifa unaandaa utaratibu wa kuleta miili ya marehemu nchini.  Mtajulishwa taratibu za mapokezi, kuaga miili ya marehemu hao na mazishi.

Mungu azilaze roho za marehemu mahali pema peponi Amina.

Imetolewa na Kurugenzi ya Habari na Uhusiano

10 Octoba, 2017