RAIS MAGUFULI AELEKEA ARUSHA KWA ZIARA YA KIKAZI

Rais wa Jamhuri ya Muungano wa Tanzania, Mhe. Dkt. John Pombe Magufuli, leo tarehe 20 Septemba, 2017 ameondoka jijini Dar es Salaam kuelek...

BLOGGER WA JAMVI LA HABARI AMEREMETA JIJINI MBEYA

UHURU FM LEO TENA WAMWAGA MSAADA KUPITIA KAMPENI YAO YA 'GUSA MAISHA YAO' KUMUENZI BABA WA TAIFA MWALIMU NYERERE

MADAKTARI BINGWA 18 KUTOKA SAUDI ARABIA KUWASILI ZANZIBAR

Rais wa Jamhuri ya Muungano wa Tanzania, Mhe. Dkt. John Pombe Magufuli, leo tarehe 20 Septemba, 2017 ameondoka jijini Dar es Salaam kuelekea mkoani Arusha kwa ziara ya kikazi. 

Mara baada ya kuwasili katika Uwanja wa Ndege wa kimataifa wa Kilimanjaro KIA,Rais Dkt. Magufuli ataanza ziara yake Mkoani Manyara kwa kufungua barabara ya Kia - Mererani yenye urefu wa kilomita 26, na kuzungumza na wananchi wa mkoa huo. 

Tarehe 23 Septemba 2017, Rais Dkt. Magufuli atatunuku Kamisheni kwa Maafisa wanafunzi wa Jeshi la Wananchi wa Tanzania JWTZ katika Uwanja wa Sheikh Amri Abeid mkoani Arusha. 

Katika Uwanja wa Ndege wa Kimataifa wa Julius Nyerere, Rais Dkt. Magufuli ameagwa na Mkuu wa Mkoa wa Dar es Salaam Mhe. Paul Makonda. 

Jaffar Haniu 
Naibu Mkurugenzi wa Mawasiliano ya Rais, IKULU 
Dar es Salaam. 
20 Septemba 2017. 

Rais wa Jamhuri ya Muungano wa Tanzania Mhe. Dkt. John Pombe Magufuli akiagana na Kamati ya Ulinzi na Usalama ya Mkoa wa Dar es Salaam katika Uwanja wa Ndege wa kimataifa wa Mwalimu Julius Nyerere jijini Dar es Salaam leo Septemba 20, 2017 wakati akielekea kupanda ndege kwenda mkoani Arusha kwa ajili ya ziara ya Kikazi.

Rais wa Jamhuri ya Muungano wa Tanzania Mhe. Dkt. John Pombe Magufuli akisalimiana na Mkuu wa Mkoa wa Dar es Salaam Paul Makonda mara baada ya kuwasili katika uwanja wa ndege wa Kimataifa wa Mwalimu Julius Nyerere wakati akielekea kupanda ndege kwenda mkoani Arusha kwa ajili ya ziara ya kikazi. (PICHA NA IKULU)