BAADA YA POLISI KUMALIZA MAHOJIANO YA MANJI NA WENZAKE WATATU,WAREJESHWA MAHAKAMANI KUENDELEA NA KESI YAO

Na Karama Kenyunko, blogu ya Jamii. Baada ya jeshi la Polisi kumaliza mahojiano yao dhidi ya mshtakiwa  Yusuf Manji na wenzake watatu...

BENKI YA STANDARD CHARTERED YAKABIDHI VIFAA VYA MICHEZO KWA COCA COLA, MWANANCHI

RAIS MUSEVENI KUWASILI NCHINI JUMAMOSI

RAIS MSTAAFU DKT. JAKAYA KIKWETE AKUTANA NA RAIS WA BENKI YA MAENDELEO YA AFRIKA JIJINI ABIDJAN, IVORY COAST

Na Karama Kenyunko, blogu ya Jamii.

Baada ya jeshi la Polisi kumaliza mahojiano yao dhidi ya mshtakiwa  Yusuf Manji na wenzake watatu juu ya tuhuma zinazowakabili za uhujumu uchumi, mapema leo wamemkabidhi katika Mahakama ya Hakimu Mkazi Kisutu kama ilivyoamriwa Jana.

Mbali na Manji ambaye ni mfanyabiashara maarufu nchini, washitakiwa wengine waliokabidhiwa ni Meneja Rasilimali watu wa Kampuni ya Quality Group Ltd, Deogratius Kisinda, Mtunza stoo, Abdallah Sangey na Thobias Fwere.
  
Akiwakabidhi watuhimiwa hao, wakili wa serikali mwandamizi, Mutalemwa Kishenyi amemueleza Hakimu Mkazi Mkuu, Huruma Shaidi kuwa washtakiwa hao wamerudishwa mahakamani kama ilivyoamuriwa, baada ya polisi kumaliza kuwahoji.

Baada ya washtakiwa kukabidhiwa wakiwa salama na afya zao nzuri, Hakimu Shaidi alisema kesi hiyo itaendelea na utaratibu kama ulivyokuwa awali, ambapo itatajwa September 8/2017.

Jana mchana mahakama hiyo iliruhusu Manji na wenzake kwenda kuhojiwa na Polisi  ili kukamilisha upelelezi katika kesi ya uhujumu uchumi.