MH. LOWASSA AANZA KUKUMBANA NA NGUVU YA DOLA, AKAMATWA NA POLISI MKOANI GEITA, AACHIWA BAADA YA KUHOJIWA

NA K-VIS BLOG ALIYEKUWA Mgombea kiti cha Rais wa Jamhuri ya Muungano wa Tanzania, Waziri Mkuu mstaafu, Bw. Edward L...

SERIKALI YAHIMIZA UNAWAJI MIKONO NA SABUNI

MHE. MAJALIWA ASISITIZA UMUHIMU WA UAMINIFU KULETA MAFANIKIO

SPIKA NDUGAI AKIWA KATIKA MKUTANO WA 137 WA UMOJA WA MABUNGE DUNIANI ULIOFANYIKA LEO KATIKA JIJI LA ST. PETERSBURG, URUSI

NA K-VIS BLOG

ALIYEKUWA Mgombea kiti cha Rais wa Jamhuri ya Muungano wa Tanzania, Waziri Mkuu mstaafu, Bw. Edward Lowassa, amekamatwa na polisi mkoani Geita akiwa njiani kuelekea kwenye mkutano wa kampeni za udiwani kata ya Nkome mkoani hum oleo Januari 16, 2017.

Taarifa kutoka Geita zinasema, pamoja na Bw. Lowassa, Mbunge wa Viti Maalum mkoa wa Geita, Bi. Upendo Furaha Peneza, naye pia amekamatwa. Bi Peneza alikuwa kwenye msafara wa Bw. Lowassa.

Taarifa zaidi zinasema, Bw. Lowassa alikumbana na “mkono wa dola” baada ya kusimamishwa na wananchi waliokuwa wamejipanga pembezoni mwa barabara na hapo msafara wake ulisimama na kuanza kuwasalimia, kitendo ambacho wapasha habari wanasema kiliwafanya polisi kumtia mbaroni na kuamuru msafara wake uelekee kituo cha polisi.

“Msafara wa Bw. Lowassa ulikuwa ukitokea moani Kagera na ulipofika stendi ya zamani Geita wananchi wakamsimamisha, aliposhuka kwenye gari kuwasalimu wanageita, polisi wakamkamata na kumpeleka kituo cha Polisi Geita.” Mmoja wa mashuhuda alisema.

Taarifa zilizopatikana baadaye zinasema, Bw. Lowassa ameachiwa huru baada ya kuhojiwa na polisi na msafara wake sasa umeelekea mkoani Mwanza.