RAIS KIKWETE AONGOZA MAADHIMISHO YA WIKI YA USALAMA BARABARANI TANGA

(Juu na chini) Baadhi ya wanafunzi wa shule mbalimbali za mkoa wa Tanga wakiandamana wakati wa sherehe za maadhimisho  ya wiki y...

(Juu na chini) Baadhi ya wanafunzi wa shule mbalimbali za mkoa wa Tanga wakiandamana wakati wa sherehe za maadhimisho  ya wiki ya nenda kwa usalama barabarani yaliyofanyika kitaifa katika viwanja vya Tangamano jijini Tanga leo.

Rais Dkt. Jakaya Mrisho Kikwete akizindua stika maalumu zing’aazo zitakazosaidia kupunguza ajali kwa kuwa magari makubwa yataonekana kwa mbali na waendesha gari wengine hivyo kuepisha magari kugongana. Kulia ni Ofisa Mkuu wa Kitengo cha Usalama Barabarani, Naibu Kamishna wa Polisi, Mohamed Mpinga.

Askari wa kikosi cha usalama barabarani akimuonesha, Rais Kikwete kidhibiti mwendo cha magari maarufu kama tochi wakati Rais alipotembelea mabanda ya maonyesho wakati wa maadhimisho ya wiki nenda kwa usalama barabarani iliyofanyika kitaifa mkoani Tanga.

Mwanafunzi wa shule ya Msingi Tanga mjini, Doreen John akitoa maelezo ya matumizi sahihi ya barabara kwa Rais Dkt. Jakaya Kikwete wakati Rais alipotembelea mabanda kadhaa ya maonyesho katika viwanja vya Tangamano, mjini humo wakati wa maadhimisho ya sherehe ya wiki ya nenda kwa usalama iliyofanyika mkoani Tanga. (Picha na Freddy Maro)