PAMBANO LA NGUMI KUFANYIKA MKWAKWANI TANGA MEI 2

Na Mwandishi Wetu   Bondia Alen Kamote wa Tanga atapanda ulingoni Mei 2 katika uwanja wa Mkwakwani Tanga kukabiliana na E...

Na Mwandishi Wetu

 

Bondia Alen Kamote wa Tanga atapanda ulingoni Mei 2 katika uwanja wa Mkwakwani Tanga kukabiliana na Emilio Norfat katika mpambano wa raundi 12. Mbali na mpambano huo siku hiyo pia kutakuwa na mapambano mengine makali moja ya mpambano wenye mvuto zaidi ni kati ya bondia mwenye makazi yake mkoa wa Morogoro Cosmas Cheka atakayekabiliana na Said Mundi kutoa mkoa wa Tanga

 

Promota wa mpambano huo Ally Mwazoa aliongeza kwa kusema mbali na mapambano hayo kutakuwa na mapambano mengine yatakayowakutanisha  Jacobo Maganga na Fadhili Kea wakati Juma Mustafa akipambana na Ally Magoma uku Saimon Zabroni akioneshana umwamba na Hamisi Mwakinyo

na Jumanne Mohamed na Bakari Shendekwa na Zuber Kitandura na Rajabu Mahoja

Mpambano huo unafanyika mkoa wa Tanga baada ya kutopata burudani ya mchezo wa masumbwi kwa kipindi cha muda mrefu kidogo hivyo mpambano huo utafuraiwa na wakazi wa Tanga na vitongoji vyake

Siku hiyo kutakuwa na uzwaji wa DVD za ngumi  mabingwa wa Dunia akiwemo Manny Paquaio, Floyd Maywether, Roy Jones, Miguel Cotto, Linox Lewis, David Haye, Mohamed Ali

na wengine wengi DVD hizo zilizoandaliwa kwa ubora wa hali ya juu zitakuwa zikiuzwa kwenye mpambano huo na Kocha wa Kimataifa wa mchezo huo. Rajabu Mhamila ‘Super D’, alisema.

 Pia kutakuwa na DVD ili kuweza kuwauzia mashabiki kwa ajili ya kujifunza Kanuni na Sheria za mchezo huo.