F RIPOTI YA PILI YA MAKINIKIA: CHENGE, YONA, KARAMAGI, MWANYIKA WAINGIA MATATANI | RobertOkanda

Monday, June 12, 2017

RIPOTI YA PILI YA MAKINIKIA: CHENGE, YONA, KARAMAGI, MWANYIKA WAINGIA MATATANI


NA K-VIS BLOG
RIPOTI ya pili ya uchunguzi wa mchanga wa madini, (makinikia), iliyokuwa ikiongozwa na mchumi, Profesa Nehemiah Osoro, imewaweka matatani vigogo kadhaa wa serikali waliostaafu.
Rais John Pombe Magufuli tayari ameagiza viongozi hao ukiondoa marehemu Dkt. Abdallah Kigoda aliyewahi kuwa Waziri wa Nishati na Madini, lazima wachunguzwe na hatua za kisheria zichukuliwe.
Kamati imesema kulikuwepo na ukiukwaji mkubwa wa sheria ikiwa ni pamoja na uvunjifu wa sheria uliofanywa na kampuni ya madini ACACIA, na viongozi wa serikali waliopewa dhamana kusimamia sekta ya madini na hivyo kutoa taarifa zisizo sahihi na hivyo kulipotezea taifa zaidi ya shilingi Trilioni 300 katika kipindi chote cha uchimbaji wa madini.
“serikali ifanye uchunguzi wa dhidi ya waliokuwa mawaziri, manaibu mawaziri wanasheria wakuu, makamishna wa madini, wanasheria na makampuni ya upimaji wa madini kwa kuvunja sheria za nchi”. Alisema Profesa Osoro katika mapendekezo ya kamati
Kamati hiyo ya Profesa Osoro imesema tangu mwaka 1998 hadi  Machi 2017, ni makontena zaidi ya 60 na sio 47 kama inavyoonyesha kwenye kumbukumbu za serikali yalisafirishwa nje ya nchi.
Viongozi wastaafu waliotajwa kwenye mapendekezo ya kamati ni pamoja na Mawaziri wa zamani wa Nishati na Madini, Mhe. Daniel Yona, Mhe. Nazir Karamagi, Kamishna wa madini mstaafu Dkt. Dalali Kafumu, Wanasheria wakuu wastaafu, Andrew Chenge na Mwanyika.
Ripoti pia imependekeza kupitiammsajili wa makampuni serikali ichukue hatua za kisheria dhidi ya kampuni ya Acacia kwa kuendesha shughuli zake bila usajili.
Mwenyekiti wa Kamati ya Pili ya Wachumi na Wanasheria iliyoundwa na Rais Dkt. John Pombe Magufuli kuchunguza Mchanga wa Madini unaosafirishwa kwenda nje ya nchi, Prof. Nehemia Osoro akiwasilisha Ripoti ya Kamati yake, mbele Rais Magufuli, Ikulu jijini Dar es salaam leo Juni 12, 2017.
Mwenyekiti wa Kamati ya Pili ya Wachumi na Wanasheria iliyoundwa na Rais Dkt. John Pombe Magufuli kuchunguza Mchanga wa Madini unaosafirishwa kwenda nje ya nchi, Prof. Nehemia Osoro akiwasilisha Ripoti ya Kamati yake, mbele Rais Magufuli, Ikulu jijini Dar es salaam leo Juni 12, 2017

0 comments:

Post a Comment