JUMIA YATAJWA MIONGONI MWA MAKAMPUNI 50 YA KITEKNOLOJIA DUNIANI

Na Jumia Travel Tanzania Jumia kwa mara ya pili mfululizo imeorodheshwa na Taasisi ya Kiteknolojia ya Massachusetts (MIT) ya nch...







Na Jumia Travel Tanzania

Jumia kwa mara ya pili mfululizo imeorodheshwa na Taasisi ya Kiteknolojia ya Massachusetts (MIT) ya nchini Marekani kuwa ni miongoni mwa makampuni 50 bora yanayotumia teknolojia katika biashara ili kurahisisha utoaji na upatikanaji wa huduma.

Kwenye orodha hiyo ambayo hujumuishwa makampuni makubwa ya kiteknolojia duniani kama vile Apple, Amazon, Facebook na Alibaba, Jumia kwa mwaka huu wa 2017 imetajwa kushika nafasi ya 44 kutokea nafasi ya 47 iliyoishika mwaka 2016.

MIT imeiatambua Jumia ambayo ilianzishwa mwaka 2012 ikijulikana kama Africa Internet Group (AIG) kwamba ni miongoni mwa makampuni ya awali kuchipukia barani Afrika, ikiwa na thamani ya dola za Kimarekani bilioni moja kutoka dola za Kimarekani milioni 327 ambapo ilimjuisha Goldman Sachs kama mmojawapo wa wawekezaji wake.

Ikiwa inajishughulisha na utoaji wa huduma mtandaoni kwenye maeneo kama vile manunuzi ya bidhaa, usafiri, chakula, makazi na magari ambazo zote zinatumia jina la Jumia, kampuni hiyo inapambana na changamoto za kufanya biashara kwa njia ya mtandao barani Afrika zikiwemo barabara zisizopitika kwa urahisi, wateja wasiotabirika, kukosekana kwa mtandao wa intaneti kwenye baadhi ya maeneo ambapo lengo kubwa ni kuwashawishi watu wa tabaka la kati kufanya matumizi.

Akizungumzia juu ya taarifa hiyo Meneja Mkazi wa Jumia Travel Tanzania, Bi. Fatema Dharsee amesema kuwa ni mafanikio makubwa kuingia na kutajwa kwenye orodha hiyo iliyosheheni makampuni makubwa ya kiteknolojia duniani kwa mara ya pili mfululizo kwani inaashiria ukuaji na kuonekana kwa mchango wao kwenye kuleta mapinduzi ya utoaji wa huduma mtandaoni.

“Licha ya changamoto kadhaa zinazolikabili bara la Afrika lakini bado linaonyesha matumaini makubwa kwenye uwekezaji wa sekta mbalimbali. Kiwango cha ukuaji wa watumiaji na ueneaji wa intaneti miongoni mwa waafrika wengi ni ishara nzuri katika kufanya vizuri kwa biashara za mtandaoni. Kwa mfano, kwenye ripoti ya masuala ya utalii tuliyoizindua mwishoni mwa wiki iliyopita inaonyesha kwamba watanzania wengi wanatumia simu zao za mkononi na kompyuta kwenye kutafuta na kufanya huduma za hoteli kwenye mtandao wetu wa Jumia Travel,” alisema Bi. Dharsee.

“Lengo letu kubwa ni kuhakikisha kwamba tunatoa huduma bora na nafuu kwa kila mteja bila ya kujali kipato alichonacho. Kupitia mtandao wetu anaweza kuperuzi na kufanya huduma za hoteli mtandaoni muda wowote na mahali popote alipo kwenye hoteli takribani 1300 nchini Tanzania, zaidi ya 30,000 barani Afrika na zaidi ya 300,000 duniani kote. Na ukiachana na kuwepo hapa Tanzania pia huduma zetu zipo kwenye nchi 40 Afrika kote na tuna ofisi 10 miongoni mwa nchi hizo,” alihitimisha bosi huyo wa Jumia Travel kwa hapa nchini.

Kila mwaka MIT hutoa orodha ya makampuni 50 bora ambayo hutengeneza fursa mpya kwa kuunganisha teknolojia mbalimbali ziweze kutumia katika kurahisisha biashara. Baadhi yao ni makampuni makubwa kama vile Apple na Alphabet (kampuni mama ya Google) huku mengine yakiwa yanachipukia.

Orodha ya makampuni hayo kuanzia nambari 1 - 50 ni: Nvidia, SpaceX, Amazon, 23andMe, Alphabet, iFlytek, KitePharma, Tencent, Regeneron, Spark Therapeutics, Face++, FirstSolar, Intel, Quanergy Systems, Vestas Wind Systems, Apple, Merck, Carbon, Desktop Metal, Ionis Pharmaceuticals, Gamalon, Illumina, Facebook, Udacity, DJI, MercadoLibre, Microsoft, Rigetti Computing, Kindred Al, Sophia Genetics, Tesla, Oxford Nanopore, Foxconn, M-KOPA, ForAllSecure, FlipKart, BluebirdBio, Adidas, IBM, GeneralElectric, Alibaba, HTC, BluePrism, Jumia (Africa Internet Group), VeritasGenetics, Daimler, Salesforce, Snap, AntFinancial na Baidu.    

COMMENTS

Name

analogia,2,Biashara,618,dijital,235,Jamii,3473,Magazeti,385,Michezo,334,Mikoani,1262,Moto,334,Sanaa,247,Siasa,369,Slide,10,tv,4,Uchumi,276,
ltr
item
Okandablogs: JUMIA YATAJWA MIONGONI MWA MAKAMPUNI 50 YA KITEKNOLOJIA DUNIANI
JUMIA YATAJWA MIONGONI MWA MAKAMPUNI 50 YA KITEKNOLOJIA DUNIANI
https://3.bp.blogspot.com/-KaLei3dYpMg/WWfIjKUQr_I/AAAAAAAAbQQ/hgBXLa9m6OwTyEXoImZ8aM3OD3cz6FK2wCLcBGAs/s640/Capture.PNG
https://3.bp.blogspot.com/-KaLei3dYpMg/WWfIjKUQr_I/AAAAAAAAbQQ/hgBXLa9m6OwTyEXoImZ8aM3OD3cz6FK2wCLcBGAs/s72-c/Capture.PNG
Okandablogs
http://robertokanda.blogspot.com/2017/07/jumia-yatajwa-miongoni-mwa-makampuni-50.html
http://robertokanda.blogspot.com/
http://robertokanda.blogspot.com/
http://robertokanda.blogspot.com/2017/07/jumia-yatajwa-miongoni-mwa-makampuni-50.html
true
7708052459372695991
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy